രാജീവന് കമ്ബനിയില്‍നിന്നും ഇൻഷുറൻസില്‍നിന്നും ലഭിക്കേണ്ട ആനുകൂല്യങ്ങള്‍ ലഭിക്കുന്നതിന് ബഹ്‌റൈനിലെ സാമൂഹികപ്രവർത്തകരുടെ നിരന്തര ഇടപെടലും ഫലം കണ്ടു. കമ്ബനി ഉടമ, ഗോസി, മെഡിക്കല്‍ കമീഷൻ, സല്‍മാനിയ ഹോസ്പിറ്റല്‍, ഇന്ത്യൻ എംബസി തുടങ്ങി എല്ലാവരുമായും നിരന്തരം ഇടപെട്ടു. മെഡിക്കല്‍ കമീഷന്റെ പരിശോധനയില്‍ രാജീവൻ 95 ശതമാനം ഡിസേബിളാണെന്ന് കണ്ടെത്തുകയും 8275 ദീനാർ ഇൻഷുറൻസ് തുക അനുവദിക്കുകയും ചെയ്‌തു. പ്രവാസി ലീഗല്‍ സെല്‍ ബഹ്‌റൈൻ ഹെഡ് സുധീർ തിരുനിലത്ത്, ഐ.സി.ആർ.എഫ് പ്രതിനിധികളായ കെ.ടി. സലിം, സുബൈർ കണ്ണൂർ എന്നിവരാണ് ഈ പ്രവർത്തനങ്ങള്‍ക്ക് നേതൃത്വം നല്‍കിയത്. കണ്ണൂർ എയർപോർട്ടില്‍നിന്നും നോർക്കയുടെ ആംബുലൻസില്‍ രാജീവനെ തണല്‍ സെന്ററിലെത്തിച്ചു. തണലില്‍ ചികിത്സ ലഭ്യമാക്കുന്നതിനാവശ്യമായ കാര്യങ്ങള്‍ സാമൂഹിക പ്രവർത്തകനായ നജീബ് കടലായി ഏകോപിപ്പിച്ചു.
രാജീവൻ സുരക്ഷിതമായി നാട്ടില്‍ എത്തിച്ചേർന്ന് തുടർചികിത്സ ആരംഭിക്കാൻ സാധിച്ചതില്‍ സന്തോഷമുണ്ടെന്നും, ഇതിനോട് സഹകരിച്ച എയർ ഇന്ത്യ അധികൃതർ, അദ്ദേഹത്തെ ചികിത്സിച്ച സല്‍മാനിയ ഹോസ്പിറ്റലിലെയും ജിദ്ദാഫ്സ് ഹോസ്പിറ്റലിലെയും ഡോക്ടർമാർ, നഴ്‌സിങ് സ്റ്റാഫ്‌സ്, ഇൻഷുറൻസ് കാര്യങ്ങള്‍ക്ക് സഹകരിച്ച ഗോസി, മെഡിക്കല്‍ കമീഷൻ, ഇന്ത്യൻ എംബസി ഉദ്യോഗസ്ഥർ, ഇതിനോടെല്ലാം സഹകരിച്ച കമ്ബനി ഉടമ തുടങ്ങി എല്ലാവർക്കും നന്ദി അറിയിക്കുന്നതായി സാമൂഹിക പ്രവർത്തകർ അറിയിച്ചു.
Post a Comment