എച്ച്‌എംസി ഏര്‍പ്പെടുത്തിയ താത്കാലിക ദന്തല്‍ അസി. സര്‍ജനൊഴിച്ചാല്‍ ദന്തരോഗവിഭാഗത്തില്‍ ദന്തല്‍ അസി. സര്‍ജൻ പോസ്റ്റിലും ആളില്ലാത്ത അവസ്ഥയാണ്.
ആയിരത്തിലധികം രോഗികള്‍ ഒപിയിലും അത്യാഹിത വിഭാഗത്തിലുമായെത്തുന്ന ആശുപത്രിയിലെ കൂട്ട അവധിയും തസ്തികകളുടെ അപര്യാപ്തതയും ആരോഗ്യവകുപ്പിന്‍റെ കടുത്ത അനാസ്ഥയാണെന്നാണ് രോഗികളുടെ ആരോപണം. ഒപിയിലെത്തുന്ന വലിയൊരു വിഭാഗത്തെ പരിശോധിക്കാൻ തന്നെ മിനിമം നാല് ഡോക്ടര്‍മാരെങ്കിലും നിര്‍ബന്ധമായി വേണ്ട സാഹചര്യമാണുള്ളത്. നല്ല തിരക്കുള്ള അത്യാഹിത വിഭാഗത്തിലും രണ്ട് ഷിഫ്റ്റിലായി രണ്ടുപേരും വേണം.
കൂടാതെ ജീവിതശൈലീരോഗ ക്ലിനിക്ക്, പനി ക്ലിനിക്, ട്രൈബല്‍ മൊബൈല്‍ മെഡിക്കല്‍ യൂണിറ്റ് എന്നിയിലും വേണം രണ്ട് ഡോക്ടര്‍ വീതം. ഇത്രയും ഡോക്ടര്‍മാര്‍ രോഗീപരിചരണത്തിന് അത്യാവശ്യമായിരിക്കെ നിലവില്‍ എട്ടുപേര്‍ മാത്രമാത്രം ഡ്യൂട്ടിയില്‍ ഉള്ളൂ എന്നത് അധികൃതരുടെ ഭാഗത്ത് നിന്നുള്ള ഗുരുതര വീഴ്ചയാണ്. നിലവിലുള്ള നാലുപേര്‍ അവധിയിലായിട്ടും ബദല്‍ സംവിധാനം ഒരുക്കാനും ബന്ധപ്പെട്ടവര്‍ നടപടികള്‍ കൈക്കൊണ്ടിട്ടുമില്ല.
ശിശുരോഗ വിഭാഗത്തില്‍ ഒരു പീഡിയാട്രീഷനും ഒരു അനസ്തറ്റിസ്‌റ്റും ലഭ്യമാണ് എന്നതാണ് ചെറിയൊരാശ്വാസം. പക്ഷെ സ്പെഷ്യാലിറ്റി ഡോക്ടര്‍മാരുടെ സേവനം ആശുപത്രിയില്‍ ലഭ്യവുമല്ല.
നിലവിലെ തിരക്കില്‍ ഒപിയില്‍ ആവശ്യത്തിന് ഡോക്ടര്‍മാരില്ലാത്തതിനാല്‍ സ്പെഷ്യാലിറ്റി ഡോക്ടര്‍മാര്‍ ഒപി ഡ്യൂട്ടി കൂടി കൈകാര്യം ചെയ്യുന്നതിനാലാണ് സ്പെഷ്യാലിറ്റി ഡോക്ടര്‍മാരുടെ സേവനം കിട്ടാതെ രോഗികള്‍ മടങ്ങേണ്ടി വരുന്നത്.
Post a Comment