62ാമത് സംസ്ഥാന സ്‌കൂള്‍ കലോത്സവം; കണ്ണൂർ മുന്നിൽ

ആശ്രാമം മൈതാനം അക്ഷരാര്‍ത്ഥത്തില്‍ ആള്‍പൂരത്തില്‍ അലിയുന്നു. ആവേശ ആരവ ആര്‍പ്പ് വിളികളോടെ കലാകൗമാരത്തിന്റെ ഊഷ്മളത ദേശിംഗനാട് ഹൃദയത്തിലേക്ക് ആവാഹിച്ചു .

62ാമത് സ്‌കൂള്‍ കലോത്സവത്തിന്റെ രണ്ടാം ദിന മത്സരങ്ങള്‍ പുരോഗമിക്കുമ്ബോള്‍ 277 പോയിന്റുകളോടെ കണ്ണൂര്‍ ജില്ലയാണ് മുന്നില്‍. 271 പോയിന്റുകളോടെ തൃശ്ശൂര്‍ ജില്ലയാണ് രണ്ടാസ്ഥാനത്ത്. 270 പോയിന്റുകളോടെ ആതിഥേയരായ കൊല്ലം ജില്ലയാണ് മൂന്നാംസ്ഥാനത്ത്‌. മുന്‍ വര്‍ഷ ജേതാക്കളായ കോഴിക്കോട്‌ 270 പോയിന്റുകളോടെ നാലാംസ്ഥാനത്താണ്‌. 267 പോയിന്റുകളുമായി അഞ്ചാംസ്ഥാനത്ത് പാലക്കാടാണുള്ളത്.

മലപ്പുറം -257,എറണാകുളം- 256 ,തിരുവനന്തപുരം- 242, ആലപ്പുഴ 242,കോട്ടയം-238, കാസര്‍ഗോഡ്- 2136, വയനാട്- 225, പത്തനംതിട്ട - 205, ഇടുക്കി- 190 എന്നിങ്ങനെയാണ് മറ്റു ജില്ലകളുടെ പോയിന്റ് നിലകള്‍

58 മത്സരങ്ങളില്‍ 17 മത്സരങ്ങളുടെ ഫലപ്രഖ്യാപനമാണ് നടന്നത്. 24 വേദികളിലാണ് മത്സരങ്ങള്‍ നടക്കുന്നത്. കൊല്ലം ആശ്രാമം മൈതാനത്ത് ഒരുക്കിയ ഒ എന്‍ വി സ്മൃതിയാണ് പ്രധാന വേദി.