കണ്ണൂര്: ഒന്നര കിലോ കഞ്ചാവുമായി യുവതി പിടിയില്. കണ്ണൂര് പയ്യന്നൂര് മുല്ലക്കോട് സ്വദേശിനി നിഖില (29) ആണ് എക്സൈസിന്റെ പിടിയിലായത്.
ബുള്ളറ്റ് ലേഡി എന്ന് നാട്ടില് അറിയപ്പെടുന്ന നിഖില ധാരാളം യാത്രകള് നടത്തിയിരുന്നു. യാത്രയിലൂടെ ഉണ്ടാക്കിയെടുത്ത ബന്ധങ്ങളാണ് കഞ്ചാവ് ഇടപാടുകള്ക്ക് ഉപയോഗിച്ചിരുന്നതെന്ന് സംശയിക്കുന്നതായി എക്സൈസ് പറഞ്ഞു. നിഖിലയുടെ വീട്ടില് കഞ്ചാവ് സൂക്ഷിച്ചിട്ടുണ്ടെന്ന രഹസ്യ വിവരത്തിന്റെ അടിസ്ഥാനത്തിലാണ് പരിശോധന നടത്തിയത്.
വീട് വളഞ്ഞ് നടത്തിയ പരിശോധനയില് ബാഗിനുള്ളില് സൂക്ഷിച്ചിരുന്ന ഒന്നര കിലോ കഞ്ചാവ് കണ്ടെത്തുകയായിരുന്നു. ചെറു പാക്കറ്റുകളിലാക്കി വില്ക്കുകയായിരുന്നു നിഖിലയുടെ രീതി. നിഖില പയ്യന്നൂരിലെ സെയില്സ് ഗേള് കൂടിയാണ്. ഫോണ് കോളുകള് അടക്കം പരിശോധിച്ച് സംഘത്തിലെ മറ്റുള്ളവരെ ഉടന് പിടികൂടുമെന്നും എക്സൈസ് ഉദ്യോഗസ്ഥര് അറിയിച്ചു. പ്രതിയെ പിന്നീട് കോടതിയില് ഹാജരാക്കി റിമാന്ഡ് ചെയ്തു.
Post a Comment