ന്യൂഡല്ഹി: രാജ്യത്ത് നൂറ് വെബ് സൈറ്റുകള് കേന്ദ്രസര്ക്കാര് നിരോധിച്ചു. നിക്ഷേപ വായ്പ തട്ടിപ്പുകള് ലക്ഷ്യമിടുന്ന വിദേശരാജ്യങ്ങളുടെ നിയന്ത്രണത്തിലുളള സൈറ്റുകളാണ് കേന്ദ്ര ആഭ്യന്തരമന്ത്രാലയം നിരോധിച്ചത്. ലോണ് ആപ്പുകള് രാജ്യത്ത് നിരവധിപ്പേര് കുടുങ്ങിയ പശ്ചാത്തലത്തിലാണ് നൂറിലധികം വിദേശ നിക്ഷേപ തട്ടിപ്പ് വെബ്സൈറ്റുകള്ക്കെതിരെ ശക്തമായ നടപടി സ്വീകരിക്കാന് കേന്ദ്രസര്ക്കാര് തയാറായത്.
സ്ത്രീകളും തൊഴില് ഇല്ലാത്ത യുവാക്കളും വിരമിച്ച സര്ക്കാര് ഉദ്യോഗസ്ഥരെ ലക്ഷ്യമിട്ടാണ് തട്ടിപ്പ് നടത്തിയിരുന്നതെന്ന് ഇന്ത്യന് സൈബര് ക്രൈം കോഡിനേഷന് സെന്റര് അറിയിച്ചു. അന്വേഷണത്തിലൂടെ കേന്ദ്ര ഏജന്സികള് കണ്ടെത്തിയ സൈറ്റുകളാണ് നിരോധിച്ചത്.
അന്വേഷണ ഏജന്സികളെ വഴിതെറ്റിക്കാന് നിരവധി അക്കീണ്ടുകളുമായി ഈ വെബ്സൈറ്റുകള് ബന്ധിപ്പിച്ചിരിക്കുന്നതായി കണ്ടെത്തി. ഒരു അക്കൗണ്ടില് നിന്ന് പണം മറെളറാരു അക്കീണ്ടിലേക്ക് മാറ്റി അന്വേഷണ ഏജന്സികളെ വഴിതെറ്റിക്കാനുളള ശ്രമമാണ് ഇവര് നടത്തിയിരുന്നത്.
തുടര്ന്ന് പണം ക്രിപ്റ്റോ കറന്സിയിലേക്ക് മാറ്റി തട്ടിയെടുക്കുന്ന രീതിയാണ് ഇത്തരം സൈറ്റുകള് സ്വീകരിച്ചിരുന്നതെന്നും റിപ്പോര്ട്ടുകള് വ്യക്തമാക്കുന്നു. ഇത്തരം സൈറ്റുകള് രാജ്യത്തിന്റെ സാമ്പത്തിക മേഖലയ്ക്ക് ഗുരുതര പ്രത്യാഘാതങ്ങള്ക്ക് കാരണമാകുമെന്ന് വിവിധ സംസ്ഥാനങ്ങള് കേന്ദ്രത്തിന് മുന്നറിയിപ്പ് നല്കിയിട്ടുണ്ട്.
Post a Comment