വയനാട് : മേപ്പാടി 900 കണ്ടിയില്‍ ട്രാവലറിനുള്ളില്‍ ഡ്രൈവറെ മരിച്ച നിലയില്‍ കണ്ടെത്തി. വിനോദസഞ്ചാരികളുമായി പൊള്ളാച്ചിയില്‍ നിന്ന് എത്തിയ വാഹനത്തിന്റെ ഡ്രൈവറായ ബാലകൃഷ്ണനെയാണ് മരിച്ച നിലയില്‍ കണ്ടെത്തിയത്. 45 വയസായിരുന്നു പ്രായം. പാര്‍ക്ക് ചെയ്തിരിക്കുന്ന ട്രാവലറിനുള്ളില്‍ സീറ്റില്‍ ഇരിക്കുന്ന നിലയിലാണ് മൃതദേഹം കണ്ടെത്തിയത്. മൃതദേഹം സംഭവ സ്ഥലത്തെത്തിയ പോലീസുകാര്‍ മേപ്പാടിയിലെ സ്വകാര്യ മെഡിക്കല്‍ കോളേജിലേക്ക്ാ മാറ്റി. വാഹനം നിര്‍ത്തിയിട്ടിരുന്നത് മീനാക്ഷി പാര്‍ക്കിംഗ് കേന്ദ്രത്തിലായിരുന്നു. ഹൃദയാഘാതമാണോ മരണകാരണ എന്ന് സംശയിക്കുന്നുണ്ട്. മൃതദേഹം പോസ്റ്റ്‌മോര്‍ട്ടത്തിന് ശേഷം ബന്ധുകള്‍ക്ക് വിട്ടുകൊടുക്കും.
Post a Comment