ആലപ്പുഴ: പൊലീസിനെ കണ്ട യുവാവ് ഒപ്പമുണ്ടായിരുന്ന യുവതിയെ റോഡിൽ ഉപേക്ഷിച്ച് കടന്നുകളഞ്ഞു. കഴിഞ്ഞദിവസം രാത്രി ബൈപാസിൽ ടോൾ പ്ലാസയ്ക്ക് സമീപമായിരുന്നു സംഭവം. ബൈക്ക് നിർത്തി ഇരുവരും സംസാരിച്ചു നിൽക്കുമ്പോഴാണ് പൊലീസ് വാഹനം കണ്ട യുവാവ് ബൈക്കെടുത്ത് കടന്നുകളഞ്ഞത്.
ബൈക്കിന് ഇൻഷുറന്‍സില്ലാത്തതിനാൽ ഭയന്ന് പോയതാണെന്ന് യുവതി പൊലീസിനോട് പറഞ്ഞു. കയ്യിൽ ഫോണില്ലെന്നും യുവാവിന്റെ ഫോൺ നമ്പർ അറിയില്ലെന്നും യുവതി പറയുന്നു. പൊലീസ് പോയാൽ യുവാവ് തിരിച്ചുവരുമെന്നാണ് യുവതി പഞ്ഞത്.
എന്നാൽ രാത്രി ആയതിനാൽ യുവതിയെ വനിതാ സ്റ്റേഷനിലേക്ക് മാറ്റി. ഒരുമിച്ച് താമസിക്കുന്നവരാണ് ഇരുവരും. എറണാകുളം സ്വദേശിയാണ് യുവാവ്. 22കാരിയായ യുവതി കൊടുങ്ങല്ലൂർ സ്വദേശിനിയാണ്.
Post a Comment