നാട്ടുകാരുടെ സമയോചിതമായ ഇടപെടല്‍ കാരണമാണ് ദുരന്തം ഒഴിവായത്. കെഎല്‍ 13 എആര്‍ 1182 റോയല്‍ എന്‍ഫില്‍ഡാണ് അഗ്‌നിക്ക് ഇരയായത്. എന്‍ജിന്‍ ഭാഗത്ത് നിന്ന് സ്പാര്‍കായി പുക വരുന്നത് ശ്രദ്ധയില്‍പ്പെട്ടപ്പോഴാണ് വാരം പെട്രോള്‍ പമ്ബിനടത്ത് റോഡ് സൈഡില്‍ ബൈക് നിര്‍ത്തി ഷിജു ഇറങ്ങിയത്. ഇറങ്ങുമ്ബോഴേക്കും തീ ആളിപടര്‍ന്നിരുന്നു. ഇത് ശ്രദ്ധയില്‍പ്പെട്ട നാട്ടുകാരും വാരത്തെ പെട്രോള്‍ പമ്ബ് ജീവനക്കാരും ഓടിയെത്തി പെട്ടന്ന് തന്നെ തീ അണക്കുകയായിരുന്നു.
ഈ വേളയില്‍ ഇതുവഴി വന്ന കണ്ണൂര്‍ കോര്‍പറേഷന്‍ മേയര്‍ അഡ്വ. ടി ഒ മോഹനനും നാട്ടുകാരോടൊപ്പം ചേര്‍ന്ന് രക്ഷാ പ്രവര്‍ത്തനത്തില്‍ പങ്കെടുത്തു. ബുളളറ്റിന് തീ പടരുന്നത് കണ്ട് ഫയര്‍ഫോഴ്‌സിനെയും ചക്കരക്കല്‍ പൊലീസിനെയും വിവരം അറിയിച്ചു. തീ പിടിച്ച ബൈകിനടുത്ത് ഒരു കാര്‍ പാര്‍ക് ചെയ്തിട്ടുണ്ടായിരുന്നു. കണ്ണൂരില്‍ നിന്ന് ഫയര്‍ ഫോഴ്‌സും സ്ഥലത്തെത്തി.
Post a Comment