Join News @ Iritty Whats App Group

പോപ്പുലർ ഫ്രണ്ട് എൻഐഎ റെയ്ഡ്; നസറുദ്ദീൻ എളമരം അടക്കം പത്ത് പേർ കൊച്ചിയിൽ അറസ്റ്റിൽ


കൊച്ചി : പോപ്പുലർ ഫ്രണ്ട് ദേശീയ ജനറൽ സെക്രട്ടറി നസറുദ്ദീൻ എളമരം അടക്കം പത്ത് പേര്‍ കൊച്ചിയിൽ അറസ്റ്റിൽ. കൊച്ചി എൻഐഎ യൂണിറ്റാണ് അറസ്റ്റ് രേഖപ്പെടുത്തിയത്. കേരളത്തിൽ ഇന്ന് നടന്ന പരിശോധനകളിൽ ആദ്യമായാണ് അറസ്റ്റ് രേഖപ്പെടുത്തുന്നത്. ഇവരെ കൊച്ചിയിലെ എൻഐഎ കോടതിയിൽ ഹാജരാക്കും. അതിന് ശേഷം ദില്ലിയിലേക്ക് കൊണ്ടുപോയേക്കാനും സാധ്യതയുണ്ട്. 

സംസ്ഥാനത്ത് പോപ്പുലർ ഫ്രണ്ട് ഓഫിസുകളും നേതാക്കളുടെ വീടുകളുമടക്കം 70 ഓളം കേന്ദ്രങ്ങളിലാണ് റെയ്ഡ് നടന്നത്. സംസ്ഥാനത്ത് ആദ്യമായാണ് എൻഐഎ ഒരേ സമയം ഇത്രയും വ്യാപകമായ തെരച്ചിൽ നടത്തുന്നത്. പുലർച്ചെ 3.30 ഓടെ കേന്ദ്രസേനയെ വിന്യസിച്ചാണ് റെയ്ഡ് തുടങ്ങിയത്. പോപ്പുലർ ഫ്രണ്ട് ദേശീയ ചെയർമാൻ ഒഎംഎ സലാമിനെ മ‍‌‌ഞ്ചേരിയിലെ വീട്ടിൽ നിന്നും സംസ്ഥാന പ്രസിഡണ്ട് സിപി മുഹമ്മദ് ബഷീറിനെ തിരുനാവായിൽ നിന്നുമാണ് കസ്റ്റഡിയിലെടുത്തത്. ദേശീയ ജനറൽ സെക്രട്ടറി നസറുദ്ദീൻ എളമരത്തെയും കസ്റ്റഡിയിലെടുത്തിരുന്നു. ഇദ്ദേഹത്തിന്റെ അറസ്റ്റ് രേഖപ്പെടുത്തി.

Post a Comment

Previous Post Next Post