Join News @ Iritty Whats App Group

പ്ലസ് വണ്‍ പ്രവേശനം; ആദ്യ അലോട്ട്‌മെന്റ് പ്രസിദ്ധീകരിച്ചു, രാവിലെ 11 മുതല്‍ പ്രവേശനം നേടാം

സംസ്ഥാനത്ത് പ്ലസ് വണ്‍ പ്രവേശനത്തിനുള്ള ആദ്യ അലോട്ട്‌മെന്റ് പ്രസിദ്ധീകരിച്ചു. ഇന്ന് രാവിലെ 11 മണി മുതല്‍ വിദ്യാര്‍ത്ഥികള്‍ക്ക് അലോട്ട്‌മെന്റ് ലഭിച്ച സ്‌കൂളുകളില്‍ പ്രവേശനം നേടാവുന്നതാണ്. ഇന്ന് രാവിലെ 9 മണിക്ക് ആദ്യ അലോട്ട്‌മെന്റ് പ്രസിദ്ധീകരിക്കുമെന്നാണ് നേരത്തെ അറിയിച്ചിരുന്നത്. എന്നാല്‍ ഇന്നലെ രാത്രി തന്നെ വെബ്സൈറ്റില്‍ ഫലം ലഭ്യമായി.

ആദ്യ ഘട്ട അലോട്ട്‌മെന്റിലെ പ്രവേശനം ആഗസ്റ്റ് 10ന് വൈകിട്ട് അഞ്ചിന് പൂര്‍ത്തീകരിക്കാനാണ് ലക്ഷ്യമിടുന്നത്. രണ്ടാം ഘട്ട അലോട്ടമെന്റ് 15ന് പ്രസിദ്ധീകരിക്കും. 16, 17 തിയതികളില്‍ പ്രവേശന നടപടികള്‍ നടക്കും. മൂന്നാം അലോട്ട്‌മെന്റ് ഈ മാസം 22നും പ്രസിദ്ധീകരിക്കും.

പ്രവേശനം 24ന് പൂര്‍ത്തീകരിച്ച് ഒന്നാം വര്‍ഷ ക്ലാസുകള്‍ 25ന് ആരംഭിക്കും. ട്രയല്‍ അലോട്ട്മെന്റിന്റെ സമയം നീട്ടിയതിനെ തുടര്‍ന്ന് ആദ്യ അലോട്ട്മെന്റ്് നീട്ടുകയായിരുന്നു. വി.എച്ച്.എസ്.ഇ വിഭാഗത്തിലെ ആദ്യ അലോട്ട്മെന്റും ഇന്നലെ രാത്രി പ്രസിദ്ധീകരിച്ചിരുന്നു.

Post a Comment

Previous Post Next Post
Join Our Whats App Group