സംസ്ഥാനത്ത് മങ്കിപോക്സ് സ്ഥീരീകരിച്ചിരിക്കുന്ന സാഹചര്യത്തില് ജാഗ്രത വര്ദ്ധിപ്പാക്കാന് ആരോഗ്യവകുപ്പ്. വിമാനത്താവളങ്ങളില് ഇന്ന് മുതല് നിരീക്ഷണം ശക്തമാക്കും. രോഗലക്ഷണങ്ങളുള്ളവര് വിമാനത്താവളത്തില് എത്തുന്നുണ്ടോ എന്നറിയാന് സ്ക്രീന് ചെയ്യും. ഇതിനായി കണ്ണൂര് വിമാനത്താവളത്തില് പ്രത്യേക സൗകര്യങ്ങള് ഒരുക്കിയിട്ടുണ്ട്.
പ്രത്യേക സുരക്ഷാ മുന്കരുതലുകള് സ്വീകരിക്കാന് എല്ലാ വിമാനത്താവളങ്ങളിലെയും ജീവനക്കാര്ക്ക് നിര്ദ്ദേശം നല്കി. ചിക്കന് പോക്സിന് സമാനമായ രോഗലക്ഷണങ്ങള് ഉള്ളവര്ക്കായി ജില്ലകളില് ഉടന് റാന്ഡം പരിശോധന ആരംഭിക്കും. അതേസമയം കഴിഞ്ഞ ദിവസം സംസ്ഥാനത്തെത്തി ആരോഗ്യമന്ത്രിയുമായി കൂടിക്കാഴ്ച നടത്തിയ കേന്ദ്ര സംഘം ഇന്ന് കൊല്ലം സന്ദര്ശിക്കും.
യുഎഇയില് നിന്നെത്തിയ യുവാവിനാണ് മങ്കിപോക്സ് സ്ഥീരീകരിച്ചത്. ഇയാള് തിരുവനന്തപുരം മെഡിക്കല് കോളജില് ചികിത്സയിലാണ്. രോഗിയുടെ ആരോഗ്യ നില തൃപ്തികരമാണെന്നാണ് അധികൃതര് അറിയിച്ചിരിക്കുന്നത്. ഇയാളുടെ കുടുംബം ഉള്പ്പെടെ സമ്പര്ക്കത്തില് വന്ന എല്ലാവരെയും നിരീക്ഷണത്തിലാക്കി.
നിരീക്ഷണത്തിലുള്ള ആര്ക്കും ഇതുവരെ രോഗലക്ഷണങ്ങള് കണ്ടെത്തിയിട്ടില്ല. അതേസമയം എല്ലാ ജില്ലകള്ക്കും ജാഗ്രത നിര്ദ്ദേശം നല്കിയിട്ടുണ്ട്. ആരോഗ്യ പ്രവര്ത്തകര്ക്ക് വിദഗ്ധ പരിശീലനം ലഭ്യമാക്കും. രോഗിയുമായി മുഖാമുഖം വരിക, രോഗി ധരിച്ച വസ്ത്രങ്ങള്, പാത്രങ്ങള്, കിടക്ക എന്നിവ ഉപയോഗിക്കുക, പിപിഇ കിറ്റ് ഇടാതെ സമീപിക്കുക, രോഗം വന്നയാളുമായി ലൈംഗിക ബന്ധം പുലര്ത്തുക എന്നിവ ക്ലോസ് കോണ്ടാക്ട് ആയി വരുമെന്നും തെറ്റായ പ്രചരണങ്ങള് നടത്തരുതെന്നും ആരോഗ്യവകുപ്പ് കഴിഞ്ഞ ദിവസം അറിയിച്ചിരുന്നു.
എന്തെങ്കിലും സംശയമുള്ളവര് ദിശ 104, 1056, 0471 2552056 എന്നീ നമ്പരുകളില് ബന്ധപ്പെടേണ്ടതാണെന്നും സംസ്ഥാന ആരോഗ്യവകുപ്പ് അറിയിച്ചിട്ടുണ്ട്.
Post a Comment